AFROSARTORIALISM
Spring /Summer 2026
Kulo mcwaningo lweqoqo le-Ntwasahlobo/Ihlobo ’26, sihlola futhi siphinde sicubungule ukunyakaza kwamasiko aphansi oSwenka. Leli yithimba lamadoda amaZulu, ikakhulukazi abasebenzi abafudukayo abavela emiphakathini esezingeni eliphansi eGoli, elasebenzisa imfashini njengendlela yokugcina isithunzi, ukuzihlonipha nokudala ukuzigqaja.
OSwenka baqala phakathi nawo-1900, bathuthukisa indlela ehlukile yokuziveza ehlanganisa imfashini, ukunyakaza komzimba okucwangciswe kanye nokuncintisana okunempilo, okuwumphumela wemvelo wokuphila ngaphansi kwezimo zokucindezelwa, uhlumeni wobandlululo. Igama elithi Swenka lisuselwa esiNgisini swank, okusho ukubonisa ubuhle, impumelelo noma ingcebo ngendlela evelele.
Ngaphansi kwezimo ezinzima zokusbenzela, ukuhlukaniswa nemindeni isikhathi eside kanye nokungalungani kwezomnotho, oSwenka babelondoloza izimiso zokuzihlonipha, ukuhlanzeka, ukuziphatha okuhle kanye nobumbano. Ukuncintisana kwabo, okwenzeka kakhulu ngezimpelasonto, kwakungaphezu kokugqoka—kwakuyindlela yokuzwakalisa injabulo, ukuzimela nokumelana nezimo.
Umqhudelwano wawuhlolwa ikakhulukazi ezintweni ezimbili: isitayela nesimilo. Owageqa kahle kakhulu wayevame ukuthola umklomelo wemali oqoqwa kwabanye ababambiqhaza, noma ngezinye izikhathi izikhathi, imbuzi.
Ngakho-ke, oSwenka abazange babe nje abantu abagqoka kahle, kodwa baba izimpawu zokumelana ngobuciko kanye nobunikazi obuphakeme. Ifa labo lifakazela ukuthi imfashini ingaba yithuluzi lokuqinisa isithunzi somuntu, ukwakha umphakathi nokugcina inhlonipho naphezu kwezikhathi zokuhlupheka.
Creative direction: Samkelo Boyde Xaba
Director: Simba Takaedza
DOP: Wesley Takaedza
Art coordinator: Tatenda Chidora
Edited By: Wesley Takaedza
Offline Editor: Sibusiso Kgokane
Colourist: Thabiso Mofokeng
Scored By: Kazi Ya Sanna
Assistant camera: Tshepiso Sekhitla
Retoucher: JP Hanekom
Photography assistant: Lucky Matiyela
Film: Twofold - Wesley Takaedza and Simba Takaedza
MUA: Ingelosi Yodakhi
MUA assistant: Khanyi Mdletshi
Art direction: Dineo Ramothwala
Write-up editor: Minenhle Swelihle